Ta Re Moriori - Ko Tohinga i a Rangihikiwao

Kia ora ra e te iwi! I have a Patreon where I hope to add some additional value. If you'd like the kaupapa, and you appreciate this mahi, you can give a koha here: A Maori Podcast

Tuturu: He rau ringa e oti ai - Many hands make light work . Raweke: He rau korero e ora ai te reo - Many speakers make our language thrive.

Kioranga! Kohi mai ene ra!

I've properly added Ta Re Moriori to my list of languages that I'm actively study. So I thought I'd do another episode on it, as the material available for the spoken language is still quite scare, so I'd like to do my bit as well, just as I do for our Reo Maori.

This week I will be covering a story on Tohinga in Moriori culture. You can find it here. I have also written it out to be read along also.

Ka hui ka imi ki Rakauwhatiwhati ki ri tohing' o Rangihikiwao, ki ri kai i tchuaporo.

K' hara mai tena imi, tena imi, tona' putē, tona' putē; ā, ka put' hikiwao, hikiwao nui, nui tche whei. Ka whati ta rakau tarewarewa ka putē; ka rere tena rataunga ki tona' putē ki tona' putē, tchiei mau i a ratau.

Ka rere ko Tu-moana ki tona' putē, ki a te ririm', -- Pē! -- a te tau mai i ko!

Ka rere te kī a Kahukura, A-a, tahi tō' e whano ku rung' o Rakauwhatiwhati, "ko koe enak' E potiki!"

Ka whai mai ko Horopapa, "Kona ka tō' ene', kona ka tō' -- ko enei ka tō' enei, enei, ko enei ka tō' ".

Ka whai ake ko Kahukura, "A-a, e aukura!" Ka kapo mai ko Horopapa, "A-a, e aukura nunō! marama ta' ngakau ki a Tchu."

Ko Tinirau itchē tangat' takitahi i tche tohinga' i tchia rimit'.

Kanei kite ei a Hine-tche-eweewe i a Tinirau; ka rere' to' moto' o Tinirau ki a Hine'.

Ka hoki ka imi ki tona whenū', ki tona whenū'; ka hoki ko Tinirau ki tona whenū', ki Tongi-hitchi-atē'.

Kiri whero ta' kiri o Hine', kiri wherowhero ta' kiri o Tinirau-Ariki, maemae ka uru.

Ka tae a Tinirau ki tona kainga, ki Tongi-hitchi-atē. Moe ake nei a Tinirau, taea tona whare tapu, e unge eti' ei i o' tamiriki ka roro ka tchiro i tchia whare tapu ona'.

E roro wa tamiriki i runga' i ri waka', potēhi etu' ki a Hine' i ro' t' whare, i Tongi-hitchi-atē.

ka hiko ta rauira o Hine'; ka hiko ta rauira o ka tamiriki. A, "Wari ko tere'?". "Ko au. Ko Hine'. Wari ko hunū?" "Mauu. Na Tinirau mauu." "Tehēkoa to korū matchūtane?" "Terā." "O-o. Korū ro ra ki rer', ka ki atu' k' haramai."

A, ka tae ka tamiriki ra, inginei eneti karang' etu' i rung' i to rauu waka' "Tē-e te whenū i Tapeirihou, tē t' whenū i Tapeirihou. "Taea ai?" "Tē i a Hine' Hi'tcheeweewe-hingara-wharara, ka rākī mai ko' k' hunatu'.

E whane ei ko Tinirau ka tae.

Ka tari ka wahine o Tinirau ki aii, ka unga' atu' i ka tamiriki ka tchiro i to rauu matchu; ka tae wa tamiriki, hurang' i te tau i waho, hurang i te tau i roto', hurang' i te tau i roto rawa; ko' ro atu' ka tchiro, "U-u! E rū' ka waewae, ka mate kae to tauu matchūtane." Ka put' mai etoru, "U-u! ka ora' to tauu matchūtane." Ka put' mai ewha, "O-o! Koi, koi, ka ora!" Ka me mei ko Hine, "Korū ro ra ki o korū metehine, ka ki atu' k'haramai."

Ka tae wa tamiriki ki o rauu metehine, kī atu, "Ka ra ki mai koru ko' ro atu." "Ae, a te noho nei."

Ka tae wa wahine ra ko waho o t' whare noh' ei; ka tamiriki ra ka ma ko ro' t' whare, ka put' mai ka tamiriki ka kī mai ki o rauu metehine, "Ooi! Ka ra ki mai korū ka roro ki ri pohatu." "Ae, a te noho' nei."

Mai ko ke heoki mei wa tamiriki, "Ka ra ki mai koru ka roro ki ri wahii a, korū ka tahu i ta umu." "Ae a te noho nei." "A, korū ka roro ki t' whariki."

A, tae mai ka whariki.

Ka taro to wa ka puta' ko Hine' ko waho tapatu rakei' ki ri mata o ro waewae.

Ka rere ko Mongomongo-tchu-a-uri rauu ko Mongomongotchu-a-tea ki a Hine'.

K' whawha mai ko Hine' tokorū, ko ro' ta umu! Ka mate' ka wihine nei i a Hine'. Ka tangi a Tinirau ki ona' wahine; ko tangi tenei:-

"Ka mate Mongomongo-tchu-a-uri, koi ra, koia, Ka mate Mongomongo-tchu-a-tea, koi ra, koia, koi ra taū reo e ki atu ki a koe re Mongongo-tchu-a-uri ka tauria, koi ra, koia."

Ka moe a Hine' rauu ko Tinirau, ka h