Show Notes
Fenomenau. Aquiu, un encontre dab ua hemna fenomenau. A quasiment cent ans, Marcèla que nos arcuelha en la comuna de Julhan, Bigòrra. Dab ua lenga shucosa e un esperit tot plen d’energia, que parlam de la comuna d’Audòs (Odos qu’ei lo nom legau) on ei vaduda deu marcat de Tarba, e deu víver amassas dab la generacion d’autes còps. Atencion, enregistrament de prumèra gaisha (?). Dab lo hilh Jean-Claude, e Sebastian Pujenc, encontre dab Marcèla de Julhan e d’Audòs… Silvan Carrèra
More from Radio Pais : Per Sagòrra e Magòrra (Gascon/Occitan)
La quantitat non hè pas tostemps la qualitat. La paraula qu’ei tostemps preciosa. Un mot que pòt hèr capvirar tot. Que partim uei tà la maison Lapalissa, a Julhan en tèrra bigordana a l’encontre de Maurice Gélédan ancian cheminot de la SNCF e champion de França de rugbi dab Julhan en 1955 e 57. Maurice que mesura la suas paraulas dab simplicitat e inteligença. Que parlam de segur de rugbi, de la guèrra de 40 dab lo bombardament deu costat de Morlana e deus calhavassèrs (?). Vam! Tira dret! Maurice que’ns espèra. Sebastian Pujenc m’acompanha…Vint e uau. Silvan Carrèra
Tad aquera vintau emission, que’m soi hèit plaser, brave monde, en vos perpausar un document aperat De cantas e tèrra. Que hesoi aqueth film ethnografic en 2015 dab lo monde dera vath d’Azun en Bigòrra et dab lo sostien de las associacions Numericultura e Nosauts de Bigòrra. E que’vs perpausi uei ua version sonòra d’aqueste document. Que s’i parla de canta, e subratot deu víver amassas. E que’n profeiti uei entà mercejar dab drin d’emocion las e los de qui m’an ubèrt la pòrta entà escambiar en lenga gascona. Aquera emission qu’ei la mia faiçon de vos hicar drin de lutz, monde de la tasca. Entà arrajar las nostas pensadas dab los vóstes mots. Qu’avem a cantar, a parlar, a arríder. E víver. Dab la libertat, mes que tot. E aquera emission que’s vòu un simbèu d’aquera libertat.
La ploia que caj aqueste maitin en la comuna d’Aurinclas au canton d’Aussun. Que parqui la mia vielha ZX rota de Lorda, e qu’èi rendetz-ve maison Jòne (?). Lo portau qu’ei barrat, un òmi que m’espia darrèr la frinèsta. que’m lhèva lo braç e que sorteish. Bonet suu cap, Jeannot que’m hè sense díser un mot. Que’m diserà mes un còp lo manhetofone alucat. Las vacas com ua passion, Jeannot que parla de las raças gasconas e lordesas, dab finèssa e precision e que’n sap tanben au nivèu toponimic. Diable ! Jeannot d’Aurinclas, maison Jòne que’ns arcuelha. La gata papina qu’ei sus la taula… Silvan Carrèra
Silvan Carrèra : Dusau partida, uei dab l’escambi dab Rose e Leon de la maison Barbé a Pontiac-Vielepinta en Montanerés. Après ua prumèra partida ger consacrada au castèth de Pontiac e aus soterrenhs, qu’ei question bitara de la guèrra de 40 deus noms de maison e de la vita vitanta au vilatge dab la fòrgia e lo bistrot. Alavetz, ça-vietz dab jo, Rose e Leon que son aquiu…
Uei que’vs perpausi ua leçon d’istoèra. Un viatge dens un temps adara perdut. Direccion uei la comuna de Pontiac-Vièlapinta, dab Rose e Léon, lo parat de parlar dab eths deu castèth deus sons terrenhs, e de la relacion enter noblèssa e petit pòple, aquera emission que serà en duas partidas entà préner lo temps de com cau dab Léon e Rose. Alavetz, ça-vietz au ras deu castèth de Pontiac.