Show Notes
亞特受邀撰寫《聯合文學》4月號「編舟計畫」專欄文章，介紹一個台語詞彙，我選擇了「按聲／àn-siaⁿ」這個詞，為了感謝聽友一直以來的支持，特別將原先華文版的〈按聲〉改寫成台文版本，並且錄成有聲版，連同全文一併放送。 (本篇羅馬字採白話字系統書寫) -- 〈按聲／àn-siaⁿ〉
過去穡頭 ê 關係，佇傳統市場走跳幾若年，龜叨鱉趖 ê 代誌 mā 見識過，mā 有 chiâⁿ 濟予人 chìn 感心 ê 人情味，這幾年學上濟--ê 就是，規工浸佇市場底，就袂輸浸佇台語 ê 天然湧泉內底仝款，「各種台語詞彙」往往佇活跳跳 ê 日常當中 but 出來。
市場 ê 日常是綴節氣佮節日tih行，四界攏是炒 kah 芳貢貢 ê 秫米佮料 ê 豆油芳頭，彼是佇宜蘭，北部粽主宰的五日節，辟邪 ê 「菖蒲掛艾草」干焦前幾日仔有tih賣，而且定定排列排kah躼躼長；麻油芳厚煏煏閣甜粅粅的雞酒佮油飯燒氣衝 kah 規个街市，彼是「七娘媽生」的日子，路過 ê 擔位濟濟七彩 ê 金紙「床母衣」，或者叫「婆姊衣」，欲予爸母買轉去，「拜床母」保庇厝內猶未成年 ê 囡仔好育飼。
燻臘肉佮「燒腸」ê 鹹芳「經月不散」，彼就表示tih欲過年矣，賣食品 ê 擔位各種年節糕仔餅佮粿 mā 那排那濟，除了基本款 ê 「菜頭粿」、「發粿」、「包仔粿」、「糕仔」這款米製品，在地味十足 ê 八寶芋泥、糟餅 mā 袂落勾去。
除了頭前講著 ê 食品，另外像元宵、清明、中元、中秋、重陽 mā 攏是傳統市場 ê 大日，攤商毋但著加款貨緊鋪排，聽候人客來「款拜」，市場本身 mā 會佇幾个大日聯合祭拜，其中上大型--ê 毋免講自然是舊曆七月 ê 中元普度。
中元普度了後 hiah-nī 濟食材欲按怎處理咧？除了豬公現場切離離，各主一份領轉去，其他供品就 ài 靠總舖 ê 手路，kā 變做 eng 暗「福宴」一路一路 ê 菜色矣。辦桌上蓋頭疼--ê 就是人佮桌，che 就號做「按聲」，市場內 ê 攤商敢會𤆬翁𤆬某𤆬囝來？會當𤆬幾个？若搪著選舉年，政治人物齊齊來行跤到，一个都無落勾，主桌佮來賓桌 ê 人數攏著注心，「按聲」是 chiâⁿ 倚靠現有 ê 資訊佮經驗 ê 功夫。
你若佮主辦對過按算 ê 來賓人數，對方確定無問題了後，通常會應你一句「無問題，阮有按聲矣」台語無蓋熟 ê 朋友可能會疑問，che 佮「聲音」有啥關係咧？其實台語內底「聲」字 mā 有數量 ê 意思，比論講頭前提起 ê 「按聲」其實就是 kā 「按算」佮「桌聲」敆做伙，曷若「桌聲」就是有幾塊桌 ê 意思，當然，知影桌聲，就通仔算出聽好坐偌濟人矣。
「按聲」除了提來算「桌聲」，當然 mā 通算其他事物 ê 數量，像講「額聲」就是份額，「件聲」，就是幾件，「斤聲」是指重量，「股聲」是股份偌濟，曷若「錢聲」雖然提來講點票仔機算票仔 ê 聲 mā 無毋著，koh 較捷用是指錢額偌濟；「水聲」除了水 ê 聲音，taⁿ 華語時行講一篇文章、一支影片、一个節目內容無夠實櫼、無夠實腹，是「灌水」或者「水分太高」，其實台語內底早早就有這款講法，舉例來講，你敢有感覺著這篇Bonus「水聲傷濟」矣？
-- Music by Audionautix.com SoundEffects by Freesound -- 【社群揣我】 Facebook>>> https://atlantistalk.pse.is/8828cq Instagram>>>https://atlantistalk.pse.is/8828cc -- 小額贊助支持本節目： https://atlantistalk.pse.is/882892 留言告訴我你對這一集的想法：https://atlantistalk.pse.is/88289q
Powered by Firstory Hosting
More from 亞特聊聊天丨台語Podcast放送
【本集摘要】收聽三年以上、想欲記錄外公外媽北投腔口的聽友，為此來學白話字，腔口的記持有時是人生的印記；頂一回的聽友阿雯這遍提起「刺蔥烘肉」，逐家敢有食過刺蔥？宜蘭這爿欲食著刺蔥tana佮馬告maqaw這二款食材，其實無蓋困難喔！
【本集摘要】 自由毋是「天跋落月」，是幾若代人用血佮性命沓沓仔行出來的。 （華文摘要：本集專訪台灣知名繪本作家「玉米辰」，深入探討以白色恐怖受難者遺書為核心的台文作品《若是咧送批》。身為全色盲創作者，玉米辰如何投身台灣社會運動、為公共議題發聲？又為何說出「權力這種東西其實很迷人」？帶你從歷史傷痕、台文詩創作到人權教育，重新看見台灣土地的記憶。） 1. 全色盲創作者的視角：如何跨越色彩限制？ 2.早年走入台中在地環境倡議與 NPO 街頭運動。 3.遲到數十年的歷史遺書：將白色恐怖受難者遺書轉化為台文詩繪本《若是咧送批》的創作歷程。 4. 認識歷史與人權教育：大人如何透過繪本故事引導孩子同理歷史傷痕，看見大時代下真實受難者的尊嚴。 5. 權力的迷人與清醒：創作者對體制、權力本質的反思，以及台灣人自由的代價。 【華文簡介】 早年投入台中清水在地NPO的繪本作家玉米辰，除了站在街頭倡議，也將公共議題轉化為繪本故事，更能讓孩子深刻理解身處的環境。玉米辰除了分享自己身為「全色盲」的他如何進行創作，也討論以白色恐怖受難者遺書為核心的作品《若是咧送批》。 為什麼選擇台文詩創作？如何引導孩子理解歷史傷痕？大人又如何在書中看見大時代下真實受難者的情感與尊嚴？為什麼玉米辰說出了「權力這款物件是足迷人--ê」？這一集我們從認識玉米辰開始，來認識他作品背後的關懷。 【段落大綱】 00:00:00 開場引言：認識全色盲繪本作家玉米辰 00:04:18 從環保抗爭到街頭倡議：踏上社會運動與繪本創作的起點 00:16:29 在地環境關懷：從下水道汙水議題到石虎路殺問題 00:23:36 突破視覺框架：全色盲創作者的觀察與色彩想像 00:39:20 走入台灣近代史：台中市新文化協會與政治受難者研究 00:46:33 時代思辨：我們的自由從何而來？權力為何迷人？ 00:55:30 轉化傷痕記憶：台文詩、受難者遺書與繪本敘事 01:04:00 人權向下扎根：如何讓孩子在故事中「體驗」台灣歷史 -- Music by Audionautix.com -- 【社群揣我】 Facebook>>> https://atlantistalk.pse.is/8828cq Instagram>>>https://atlantistalk.pse.is/8828cc 【寄付添油香】 小額贊助支持本節目： https://atlantistalk.pse.is/882892 留言告訴我你對這一集的想法：https://atlantistalk.pse.is/88289q
【本集摘要】 時代的風湧瀳來，咱是按怎一步一步成做「台灣人」？ （華文摘要：公視台語台時代劇《再見1987》回望日治末期至1987年台灣解嚴的歷史劇變。本集專訪製作人兼編劇陳南宏、飾演邱靜之的演員林雨宣，從沒有英雄的小人物視角出發，深入探討時代記憶的詮釋、台語影視的台詞雕琢，以及當代台灣人自我認同的追尋路程。）
【本集摘要】 你心內「民主的滋味」，到底是啥物款的滋味？ 這是一集由海外聽友阿雯的批所誕生的新單元〈為你讀批〉。 蹛踮美國的聽友阿雯寄來一張長長的批信(e-mail)，分享伊按怎聽著節目，共母語揣倒轉來，甚至為著向世界介紹台灣八十冬來的民主歷程與二二八歷史，做出台、華、英三語的家常食譜《民主的滋味》，欲用「台灣料理」講台灣人的故事。
金曲歌王許富凱推出新專輯《尪仔物》，專輯中收錄一首自己創作的歌曲〈我的心肝寶貝〉，藉由歌曲表達對逝世父親的愛與祝福；從小在唱歌與生活中都受到嚴格管教，戲稱爸爸是教官的許富凱，怎麼書寫對不擅長感情交流的爸爸的愛？ 自小學習歌唱技巧，對聲音掌控爐火純青的富凱，曾經被許多比賽的評審指出「唱得很好，但缺一味」，技巧純熟的歌手，在「精準」的表演之餘，如何把「自我」也放進歌裡？唱別人創作的歌，如何成為自己的「作品」？ 現在的許富凱說「我足佮意唱現場，因為現場你會依照當工的心情(去唱)。」 -- 本集歌曲：〈扮公伙仔〉、〈我的心肝寶貝〉、〈舊傷〉、〈咻碰〉、〈愛你敢有望feat. icyball 冰球樂團〉由何樂音樂授權使用。 Music by Audionautix.com -- 【社群揣我】 Facebook>>> https://atlantistalk.pse.is/8828cq Instagram>>>https://atlantistalk.pse.is/8828cc -- 小額贊助支持本節目： https://atlantistalk.pse.is/882892 留言告訴我你對這一集的想法： https://open.firstory.me/user/ckguxn62302hz0903q7uuk26u/comments 【章節參考由AI生成】 00:00:00 開場 00:03:57 〈尪仔物〉的戲劇化音樂敘事 00:08:54 嚴父教育下的成長與情感 00:20:00 音樂做為生死與親情的對話橋樑 00:34:42 台語音樂的現代性與跨世代合作 00:46:00 歌手作為演員的詮釋藝術 00:59:20 台語音樂的傳承與未來展望