Show Notes
🪙 故事有啥物，佇遮聽斟酌 佇搭橋冊《一箍銅仙仔流浪記》（《壹圓銅板流浪記》）內底，古錐的一箍銀角仔無細膩對豬公內底輾出來， 為著伊想欲去的「彼个所在」，生做細粒子的伊決定開始一場冒險。這一集，除了聽看銀角仔的夢想，嘛做伙來看生活內底的銀票，到底藏啥物臺灣動物明星的獨家故事？節目緊共點開！
00:25 ⮕ 小花阿兄講生活點滴 01:45 ⮕ 朗讀《壹圓銅板流浪記》 06:52 ⮕ 小花阿兄唱自創歌謠 07:30 ⮕ 無仝紙票有無仝的花草 08:09 ⮕ 500箍頂的主角－梅花鹿 09:25 ⮕ 1000箍頂的主角－烏雉雞 10:35 ⮕ 2000箍頂的主角－櫻花鉤吻鮭 12:40 ⮕ 三个問題想看覓
------ 華語譯文 ------ 🪙 故事有什麼，這裡聽仔細 在故事《壹圓銅板流浪記》中，可愛的壹圓銅板不小心從撲滿裡滾出來，小小的他為了抵達嚮往的「那個地方」，展開了一場冒險。這一集，除了聽聽小銅板的夢想，也讓我們一起看看我們生活使用的鈔票，藏著哪些臺灣動物明星的獨家故事。快快點擊收聽吧！
00:25 ⮕ 小花哥哥聊生活點滴 01:45 ⮕ 朗讀《壹圓銅板流浪記》 06:52 ⮕ 小花唱自創歌謠 07:30 ⮕ 不同幣值的鈔票有不同的花色 08:09 ⮕ 500元鈔票的主角－梅花鹿 09:25 ⮕ 1000元鈔票的主角－帝雉 10:35 ⮕ 2000元鈔票的主角－櫻花鉤吻鮭 12:40 ⮕ 三個問題想想看
------------ 「囡仔囡仔來聽古」節目 👏 榮獲文化部國家語言整體發展方案支持 ⭐ 每週五上午，歡喜更新一集 🤝🏻 合作/行銷 洽談，歡迎聯絡本會 史恬老師 ([email protected]) / 02-23619710
Powered by Firstory Hosting
More from 囡仔囡仔來聽古
🌳 故事有啥物，佇遮聽斟酌 佇搭橋冊《感謝逐家的批》內底（《謝謝大家的信》），真濟人透過一張閣一張充滿回憶的批，想欲挽救彼欉陪伴in大漢的橡樹。除了這段「挽救朋友」的故事，嘛欲𤆬逐家走揣咱臺灣的「大樹公」傳統信仰，佮俗語講的「食果子，拜樹頭」，猶有種樹仔的詩人吳晟阿公對臺灣這塊土地的付出～節目緊共點開，做伙來感受人佮樹仔深深的連結！
🔄 故事有啥物，佇遮聽斟酌 佇搭橋冊《無「才閣來」的捘卵機 》（《沒有銘謝惠顧的扭蛋機》）內底！熙秀拄著的捘卵機竟然有「保著獎 」 ？這種「免煩惱無著」的驚喜，這種完全無彼號「才閣來」出現的好空代，佇咱阿公阿媽的時代就有矣！ 這集咱做伙綴熙秀來去看捘卵機敢會捘出啥物稀奇好物 ，嘛做伙來看阿公阿媽囡仔時閣有啥物趣味代 🏃
🦒 故事有啥物，佇遮聽斟酌 佇故事《老師變麒麟鹿矣！》(《老師變長頸鹿了！》)內底的老師，一改一改叮嚀來守護伊的學生，頂真佮嚴謹予人想著臺灣頭一位醫學博士——杜聰明博士。這集，除了綴主角的跤步探看麒麟鹿老師生做啥模樣，嘛做伙來聽杜聰明博士為臺灣醫學拍拚的感心故事！
🐊 故事有啥物，佇遮聽斟酌 搭橋冊《阿爸變鱷魚矣》（《爸爸變鱷魚了》）的阿爸竟然變做一隻鱷魚！若是換咱的阿爸變做鱷魚，咱厝內底的空間敢會夠予伊爬？恁敢知影佇古早臺灣其實嘛有鱷魚？這一集，就予咱對阿爸變鱷魚的故事開始，認捌埋欲一千五百萬年、號做「臺灣第一鱷」的「潘氏澎湖鱷」。節目緊共點開，做伙來聽看覓鱷魚的祕密！
🍳 故事有啥物，佇遮聽斟酌 佇搭橋冊《平鼎仔阿公》（《平底鍋爺爺》）內底 ，無法度閣予人提來煎卵包的平鼎仔阿公，決定出發去旅行！沿路伊拄著豹、鴕鳥等真濟動物 ！😱 這一集，除了綴平鼎仔阿公開始精彩的冒險旅程，閣欲𤆬逐家解鎖臺灣經典的平鼎仔好食物「蚵仔煎」的大細項代誌——？到底伊的源頭佮鄭成功有啥物關係？南部佮北部的蚵仔煎閣精差佇佗位？節目緊共點開，做伙來聽看覓！🤩