Show Notes
Mga tay, napapansin niyo ba na parang lagi tayong pagod? Hindi lang dahil sa trabaho, bills, o responsibilidad sa bahay—kundi dahil pakiramdam natin kailangan nating ayusin ang lahat. Kailangan okay si misis. Kailangan masaya ang mga anak. Kailangan walang problema ang pamilya. Kailangan naiintindihan ng lahat ang mga desisyon natin. At kailangan, kahit papaano, patunayan nating sapat tayo. Pero paano kung hindi naman pala lahat ng bigat na ‘yan ay responsibilidad natin? Sa episode na ito ng Tatayhood, pag-uusapan natin ang apat na bagay na hindi mo kailangang pasanin: ang kaligayahan ng ibang tao, ang pag-rescue sa lahat ng may problema, ang pagpapaintindi sa lahat ng desisyon mo, at ang pagpapatunay ng halaga mo sa ibang tao. Pag-uusapan din natin ang malaking pagkakaiba ng caring at carrying—ang pagmamalasakit sa isang tao kumpara sa pagpasan ng problemang sila mismo ang kailangang matutunang harapin. Kailan nagiging enabling ang pagtulong? Kailangan mo bang ayusin agad kapag bad mood si misis o disappointed ang anak mo? Bakit okay lang na hindi maintindihan ng ibang tao ang boundaries at choices mo? At bakit hindi mo kailangang magpakitang-gilas para lang maramdaman na sapat kang tatay, asawa, o lalaki? Mga tay, hindi mo kailangang pasanin ang buong mundo para masabing mabuti kang tao. Minsan, ang kailangan lang natin ay matutong bitawan ang mga bagahe na hindi naman sa atin sa simula pa lang. Dahil hindi mo pasan ang daigdig. Ikaw lang ang may hawak ng manibela ng sarili mong buhay.
Hosted on Acast. See acast.com/privacy for more information.
More from Tatayhood
Awts may mga netizen na mahilig mag post ng number ng former hosts only to find out na wala na siya dun.
How do you stay calm when your kids know exactly which buttons to push? 😂 In this episode, we invited Tristan’s gym friend (yes, he has friends), Trevor Flaherty — principal, dad, CrossFitter and emotional parenting coach — to talk about keeping your cool, understanding your kids’ emotions, and why sometimes the parent needs to regulate first. Plus, we talk CrossFit, finding an outlet, and looking after yourself while trying to be a good dad. Because you can survive a CrossFit WOD… but your own kids can still break you
May oras ang mga tatay na parang tayo lang ang gising. Tahimik na ang bahay. Tulog na ang mga bata. Tapos na ang trabaho, hugasin, bills, hatid-sundo, at lahat ng responsibilidad para sa araw na ’yon. Ito ang Dad Hours. Sa episode na ito ng Tatayhood, pag-uusapan natin kung bakit maraming tatay ang nagpupuyat kahit pagod na pagod na—naglalaro, nanonood, nagso-scroll, nagkakape, nag-aayos ng kung anu-ano, o simpleng nakaupo lang sa katahimikan. Katamaran ba ito? Revenge bedtime procrastination? O ito lang talaga ang oras na pakiramdam natin ay atin? Pag-uusapan din natin ang guilt ng paglalaan ng oras para sa sarili, hobbies pagkatapos maging tatay, pagkawala ng “me time,” at kung bakit minsan, alas-dose ng gabi lang natin ulit nararamdaman na hindi lang tayo empleyado, asawa, provider, driver, taga-ayos ng gripo, at tatay. Because sometimes, Dad Hours isn't about staying up late. Hosted on Acast. See acast.com/privacy for more information.
Kapag buong buhay mong inuna ang pamilya, selfish ba kung sarili mo naman? Sa Dear Papa na ito, pag-usapan natin ang kuwento ng isang panganay na OFW—mga pangarap na isinantabi, bigat ng pagiging breadwinner, at guilt ng pagsabi ng “hindi na muna.” Hosted on Acast. See acast.com/privacy for more information.