Show Notes
🍎 故事有啥物，佇遮聽斟酌 佇搭橋冊《送你一粒蘋果》（《送你一顆蘋果》）內底，主角小玲足受氣，氣甲欲用石頭掔(khian)烏鴉！予人想著佇咱生活中，烏鴉四常無受人歡迎，甚至有人會用「烏鴉喙」來講彼款見講出喙就歹吉兆的人。是講你敢知影？佇傳說裡，烏鴉佮鴟鴞捌是誠好的朋友，伊的羽毛本底嘛毋是烏色的喔！到底發生啥物驚天動地的大代誌，才予烏鴉變做規身軀烏趖趖咧？咱耳仔開開，鬥陣聽好冊，聽烏鴉的「烏白」傳說乎！
01:25 ⮕ 苑芳阿媽講搭橋冊《送你一粒蘋果》 05:40 ⮕ 小花阿兄分享家己盲人飼寵物的經驗。 08:44 ⮕ 臺灣原生種烏鴉的相關智識 09:39 ⮕ 「鴟鴞佮烏鴉」的故事。鴟鴞竟然會去提烏鴉的卵？ 10:38 ⮕ 讀頂一集聽眾朋友的留話 11:28 ⮕ 啥物問題想看覓
----------------（華語譯文）----------------
🐦⬛ V.S. 🦅 故事有什麼，這裡聽仔細 在橋樑書《送你一顆蘋果》裡，主角小玲好生氣，氣得想用石頭丟烏鴉！讓人想到我們生活中，烏鴉多半也不受歡迎，甚至用「烏鴉嘴」來形容說話不吉利的人。但你知道嗎？在傳說裡，烏鴉和老鷹曾經是超級好朋友，而且羽毛也不是黑色的喔！究竟發生了什麼驚天動地的事，才讓烏鴉從此披上了一身黑？快打開耳朵，一起聽好書，聽烏鴉的「黑白」傳說吧！
01:25 ⮕ 苑芳阿媽說橋樑書《送你一顆蘋果》 05:40 ⮕ 小花哥哥分享自己視障者養寵物的經驗。 08:44 ⮕ 臺灣原生種烏鴉的相關知識 09:39 ⮕ 「老鷹和烏鴉」的故事。老鷹竟然會去拿烏鴉的蛋？ 10:38 ⮕ 讀上一集聽眾朋友的留言 11:28 ⮕ 什麼問題想想看
------------------------------------------- 「囡仔囡仔來聽古」節目 👏 榮獲文化部國家語言整體發展方案支持 ⭐ 每週五上午，歡喜更新一集 🤝🏻 合作/行銷 洽談，歡迎聯絡本會 史恬老師 ([email protected]) / 02-23619710
Powered by Firstory Hosting
More from 囡仔囡仔來聽古
🌳 故事有啥物，佇遮聽斟酌 佇搭橋冊《感謝逐家的批》內底（《謝謝大家的信》），真濟人透過一張閣一張充滿回憶的批，想欲挽救彼欉陪伴in大漢的橡樹。除了這段「挽救朋友」的故事，嘛欲𤆬逐家走揣咱臺灣的「大樹公」傳統信仰，佮俗語講的「食果子，拜樹頭」，猶有種樹仔的詩人吳晟阿公對臺灣這塊土地的付出～節目緊共點開，做伙來感受人佮樹仔深深的連結！
🪙 故事有啥物，佇遮聽斟酌 佇搭橋冊《一箍銅仙仔流浪記》（《壹圓銅板流浪記》）內底，古錐的一箍銀角仔無細膩對豬公內底輾出來， 為著伊想欲去的「彼个所在」，生做細粒子的伊決定開始一場冒險。這一集，除了聽看銀角仔的夢想，嘛做伙來看生活內底的銀票，到底藏啥物臺灣動物明星的獨家故事？節目緊共點開！
🔄 故事有啥物，佇遮聽斟酌 佇搭橋冊《無「才閣來」的捘卵機 》（《沒有銘謝惠顧的扭蛋機》）內底！熙秀拄著的捘卵機竟然有「保著獎 」 ？這種「免煩惱無著」的驚喜，這種完全無彼號「才閣來」出現的好空代，佇咱阿公阿媽的時代就有矣！ 這集咱做伙綴熙秀來去看捘卵機敢會捘出啥物稀奇好物 ，嘛做伙來看阿公阿媽囡仔時閣有啥物趣味代 🏃
🦒 故事有啥物，佇遮聽斟酌 佇故事《老師變麒麟鹿矣！》(《老師變長頸鹿了！》)內底的老師，一改一改叮嚀來守護伊的學生，頂真佮嚴謹予人想著臺灣頭一位醫學博士——杜聰明博士。這集，除了綴主角的跤步探看麒麟鹿老師生做啥模樣，嘛做伙來聽杜聰明博士為臺灣醫學拍拚的感心故事！
🐊 故事有啥物，佇遮聽斟酌 搭橋冊《阿爸變鱷魚矣》（《爸爸變鱷魚了》）的阿爸竟然變做一隻鱷魚！若是換咱的阿爸變做鱷魚，咱厝內底的空間敢會夠予伊爬？恁敢知影佇古早臺灣其實嘛有鱷魚？這一集，就予咱對阿爸變鱷魚的故事開始，認捌埋欲一千五百萬年、號做「臺灣第一鱷」的「潘氏澎湖鱷」。節目緊共點開，做伙來聽看覓鱷魚的祕密！