Show Notes
🫧故事有啥物，佇遮聽斟酌 佇故事《君偉上小學：一年級鮮事多》內底，學校豐富的活動佮課程，予小一新鮮人君偉開眼界！特別佇植物觀察課中，伊佮同學做伙發見真濟趣味的動物佮植物。地形佮地理位置特殊的臺灣，有真豐富的植物生態，親像其中一種號做「 無患子」的原生植物，除了會當撋出泡、會予人做天然的金珠仔來耍，連宗教佮原住民文化內底嘛有伊的身影！這一集，咱做伙看君偉的冒險的趣味，嘛鬥陣認捌臺灣特有植物「 無患子」的故事！
00:25 ⮕ 小花阿兄話童年 01:30 ⮕ 朗讀《君偉上小學：一年級鮮事多》 05:48 ⮕ 「無患子（黃目子）」是啥物？ 07:08 ⮕ 無患子樹的傳說與功用 10:05 ⮕ 三个問題想看覓
------ 華語譯文 ------ 🫧故事有什麼，這裡聽仔細 在故事《君偉上小學：一年級鮮事多》 中，學校豐富的活動和課程，讓小一新鮮人君偉大開眼界！特別是在植物觀察課上，他和同學一起發現了好多有趣的動植物。地形與地理位置獨特的臺灣，有著非常豐富的植物生態，像是其中一種名為「無患子」的原生植物，除了能搓出泡泡、當做天然彈珠玩，連宗教和原住民文化中都有它的身影！這一集，讓我們一邊為君偉的小一新生大冒險哈哈大笑，一邊聽臺灣特有泡泡植物「無患子」的故事吧！
00:25 ⮕ 小花哥哥話童年 01:30 ⮕ 朗讀《君偉上學去：一年級鮮事多》 05:48 ⮕ 「無患子」是什麼？ 07:08 ⮕ 無患子樹的傳說與功用 10:05 ⮕ 三個問題想想看
------------ 「囡仔囡仔來聽古」節目 👏 榮獲文化部國家語言整體發展方案支持 ⭐ 每週五上午，歡喜更新一集 🤝🏻 合作/行銷 洽談，歡迎聯絡本會 史恬老師 ([email protected]) / 02-23619710
Powered by Firstory Hosting
More from 囡仔囡仔來聽古
🌳 故事有啥物，佇遮聽斟酌 佇搭橋冊《感謝逐家的批》內底（《謝謝大家的信》），真濟人透過一張閣一張充滿回憶的批，想欲挽救彼欉陪伴in大漢的橡樹。除了這段「挽救朋友」的故事，嘛欲𤆬逐家走揣咱臺灣的「大樹公」傳統信仰，佮俗語講的「食果子，拜樹頭」，猶有種樹仔的詩人吳晟阿公對臺灣這塊土地的付出～節目緊共點開，做伙來感受人佮樹仔深深的連結！
🪙 故事有啥物，佇遮聽斟酌 佇搭橋冊《一箍銅仙仔流浪記》（《壹圓銅板流浪記》）內底，古錐的一箍銀角仔無細膩對豬公內底輾出來， 為著伊想欲去的「彼个所在」，生做細粒子的伊決定開始一場冒險。這一集，除了聽看銀角仔的夢想，嘛做伙來看生活內底的銀票，到底藏啥物臺灣動物明星的獨家故事？節目緊共點開！
🔄 故事有啥物，佇遮聽斟酌 佇搭橋冊《無「才閣來」的捘卵機 》（《沒有銘謝惠顧的扭蛋機》）內底！熙秀拄著的捘卵機竟然有「保著獎 」 ？這種「免煩惱無著」的驚喜，這種完全無彼號「才閣來」出現的好空代，佇咱阿公阿媽的時代就有矣！ 這集咱做伙綴熙秀來去看捘卵機敢會捘出啥物稀奇好物 ，嘛做伙來看阿公阿媽囡仔時閣有啥物趣味代 🏃
🦒 故事有啥物，佇遮聽斟酌 佇故事《老師變麒麟鹿矣！》(《老師變長頸鹿了！》)內底的老師，一改一改叮嚀來守護伊的學生，頂真佮嚴謹予人想著臺灣頭一位醫學博士——杜聰明博士。這集，除了綴主角的跤步探看麒麟鹿老師生做啥模樣，嘛做伙來聽杜聰明博士為臺灣醫學拍拚的感心故事！
🐊 故事有啥物，佇遮聽斟酌 搭橋冊《阿爸變鱷魚矣》（《爸爸變鱷魚了》）的阿爸竟然變做一隻鱷魚！若是換咱的阿爸變做鱷魚，咱厝內底的空間敢會夠予伊爬？恁敢知影佇古早臺灣其實嘛有鱷魚？這一集，就予咱對阿爸變鱷魚的故事開始，認捌埋欲一千五百萬年、號做「臺灣第一鱷」的「潘氏澎湖鱷」。節目緊共點開，做伙來聽看覓鱷魚的祕密！