Show Notes
嘿，小朋友！你毋知影的臺灣大細項代誌，予「囡仔囡仔來聽古」講予你聽／知！
予咱用一本閣一本趣味的『 橋樑書』做鎖匙，拍開行向臺灣的大門！對山林內神祕的魔神仔、海邊展威風的風獅爺，到臺灣特有種石虎的生態，甚至是家家戶戶咧用的大同電鍋的發明故事……阮欲𤆬恁上山落海，軁過時間的磅空，挖出藏佇生活內底，彼寡心適閣新奇的在地代誌。
● 逐禮拜五更新一集，緊『 訂閱』起來莫落勾去！
● 10集節目每一个主題，攏是一場充滿智識佮驚奇的冒險。準備好你的好奇心，佮咱做伙來聽古，發現你毋捌知影的臺灣奇妙佮美麗！
囡仔頭主持人：李苑芳（苑芳婆婆）、張哲瑞（小花哥哥）
本節目由文化部補助 貓頭鷹親子教育協會製播 文化部國家語言整體發展方案支持
歡迎留言給本節目： https://open.firstory.me/user/cmd8a2txx00jr01xz9n0qch1j/comments 事務聯絡：貓頭鷹親子教育協會 [email protected] / 02-23619710
-------------------------------------------------------------------- （華語譯文）
嘿，小朋友！你不知道的臺灣大小事，「囡仔囡仔來聽古」講故事給你聽！
讓我們以一本本有趣的「橋樑書」為鑰匙，打開通往臺灣的大門！從山林內神祕的魔神仔、海邊威風氣派的風獅爺，到臺灣特有種石虎的生態，甚至是家家戶戶大同電鍋的發明故事……我們將帶你上山下海，穿越時空，挖掘出藏在生活裡，那些好玩又新奇的在地事。
● 每個禮拜五更新一集，快「訂閱」起來別錯過！
● 10集節目每一個主題都是一場充滿知識與驚奇的冒險。準備好你的好奇心，跟我們一起聽古，發現你從不知道的臺灣奇妙與美麗！
孩子王主持人：李苑芳（苑芳婆婆）、張哲瑞（小花叔叔）
Powered by Firstory Hosting
More from 囡仔囡仔來聽古
🌳 故事有啥物，佇遮聽斟酌 佇搭橋冊《感謝逐家的批》內底（《謝謝大家的信》），真濟人透過一張閣一張充滿回憶的批，想欲挽救彼欉陪伴in大漢的橡樹。除了這段「挽救朋友」的故事，嘛欲𤆬逐家走揣咱臺灣的「大樹公」傳統信仰，佮俗語講的「食果子，拜樹頭」，猶有種樹仔的詩人吳晟阿公對臺灣這塊土地的付出～節目緊共點開，做伙來感受人佮樹仔深深的連結！
🪙 故事有啥物，佇遮聽斟酌 佇搭橋冊《一箍銅仙仔流浪記》（《壹圓銅板流浪記》）內底，古錐的一箍銀角仔無細膩對豬公內底輾出來， 為著伊想欲去的「彼个所在」，生做細粒子的伊決定開始一場冒險。這一集，除了聽看銀角仔的夢想，嘛做伙來看生活內底的銀票，到底藏啥物臺灣動物明星的獨家故事？節目緊共點開！
🔄 故事有啥物，佇遮聽斟酌 佇搭橋冊《無「才閣來」的捘卵機 》（《沒有銘謝惠顧的扭蛋機》）內底！熙秀拄著的捘卵機竟然有「保著獎 」 ？這種「免煩惱無著」的驚喜，這種完全無彼號「才閣來」出現的好空代，佇咱阿公阿媽的時代就有矣！ 這集咱做伙綴熙秀來去看捘卵機敢會捘出啥物稀奇好物 ，嘛做伙來看阿公阿媽囡仔時閣有啥物趣味代 🏃
🦒 故事有啥物，佇遮聽斟酌 佇故事《老師變麒麟鹿矣！》(《老師變長頸鹿了！》)內底的老師，一改一改叮嚀來守護伊的學生，頂真佮嚴謹予人想著臺灣頭一位醫學博士——杜聰明博士。這集，除了綴主角的跤步探看麒麟鹿老師生做啥模樣，嘛做伙來聽杜聰明博士為臺灣醫學拍拚的感心故事！
🐊 故事有啥物，佇遮聽斟酌 搭橋冊《阿爸變鱷魚矣》（《爸爸變鱷魚了》）的阿爸竟然變做一隻鱷魚！若是換咱的阿爸變做鱷魚，咱厝內底的空間敢會夠予伊爬？恁敢知影佇古早臺灣其實嘛有鱷魚？這一集，就予咱對阿爸變鱷魚的故事開始，認捌埋欲一千五百萬年、號做「臺灣第一鱷」的「潘氏澎湖鱷」。節目緊共點開，做伙來聽看覓鱷魚的祕密！